சங்கீதம் 16

¹தேவனே, என்னைக் காப்பாற்றும், உம்மை நம்பியிருக்கிறேன். ²என் நெஞ்சமே, நீ கர்த்தரை நோக்கி தேவரீர் என் ஆண்டவராயிருக்கிறீர், என் செல்வம் உமக்கு வேண்டியதாயிராமல்: ³பூமியிலுள்ள பரிசுத்தவான்களுக்கும், நான் என் முழுப் பிரியத்தையும் வைத்திருக்கிற மகாத்துமாக்களுக்கும், அது வேண்டியதாயிருக்கிறது என்று சொன்னாய். ⁴அந்நியதேவனை நாடிப் பின்பற்றுகிறவர்களுக்கு வேதனைகள் பெருகும்: அவர்கள் செலுத்துகிற இரத்த பானபலிகளை நான் செலுத்தமாட்டேன், அவர்கள் நாமங்களை என் உதடுகளினால் உச்சரிக்கவுமாட்டேன். ⁵கர்த்தர் என் சுதந்தரமும் என் பாத்திரத்தின் பங்குமானவர்: என் சுதந்தரத்தை தேவரீர் காப்பாற்றுகிறீர். ⁶நேர்த்தியான இடங்களில் எனக்குப் பங்கு கிடைத்தது: ஆம், சிறப்பான சுதந்தரம் எனக்கு உண்டு. ⁷எனக்கு ஆலோசனை தந்த கர்த்தரைத் துதிப்பேன்: இராக்காலங்களிலும் என் உள்ளிந்திரியங்கள் என்னை உணர்த்தும். ⁸கர்த்தரை எப்பொழுதும் எனக்கு முன்பாக வைத்திருக்கிறேன்: அவர் என் வலதுபாரிசத்தில் இருக்கிறபடியால் நான் அசைக்கப்படுவதில்லை. ⁹ஆகையால் என் இருதயம் பூரித்தது, என் மகிமை களிகூர்ந்தது: என் மாம்சமும் நம்பிக்கையோடே தங்கியிருக்கும். ¹⁰என் ஆத்துமாவைப் பாதாளத்தில் விடீர்: உம்முடைய பரிசுத்தவானை அழிவைக் காணவொட்டீர். ¹¹ஜீவமார்க்கத்தை எனக்குத் தெரியப்படுத்துவீர்: உம்முடைய சமுகத்தில் பரிபூரண ஆனந்தமும், உம்முடைய வலதுபாரிசத்தில் நித்தியபேரின்பமும் உண்டு.