சங்கீதம் 75

¹உம்மைத் துதிக்கிறோம், தேவனே, உம்மைத் துதிக்கிறோம்: உமது நாமம் சமீபமாயிருக்கிறதென்று உமது அதிசயமான கிரியைகள் அறிவிக்கிறது. ²நியமிக்கப்பட்ட காலத்திலே, யதார்த்தமாய் நியாயந்தீர்ப்பேன். ³பூமியானது அதின் எல்லாக் குடிகளோடும் கரைந்துபோகிறது: அதின் தூண்களை நான் நிலைநிறுத்துகிறேன். (சேலா.) ⁴வீம்புக்காரரை நோக்கி, வீம்பு பேசாதேயுங்கள் என்றும்: துன்மார்க்கரை நோக்கி, கொம்பை உயர்த்தாதிருங்கள் என்றும் சொன்னேன். ⁵உங்கள் கொம்பை உயரமாய் உயர்த்தாதிருங்கள்: இறுமாப்புள்ள கழுத்துடையவர்களாய்ப் பேசாதிருங்கள். ⁶கிழக்கிலும் மேற்கிலும் வனாந்தரதிசையிலுமிருந்து ஜெயம் வராது. ⁷தேவனே நியாயாதிபதி: ஒருவனைத் தாழ்த்தி, ஒருவனை உயர்த்துகிறார். ⁸கலங்கிப் பொங்குகிற மதுபானத்தினால் நிறைந்த பாத்திரம் கர்த்தருடைய கையிலிருக்கிறது, அதிலிருந்து வார்க்கிறார்: பூமியிலுள்ள துன்மார்க்கர் யாவரும் அதின் வண்டல்களை உறிஞ்சிக் குடிப்பார்கள். ⁹நானோ என்றென்றைக்கும் இதை அறிவித்து, யாக்கோபின் தேவனைக் கீர்த்தனம்பண்ணுவேன். ¹⁰துன்மார்க்கருடைய கொம்புகளையெல்லாம் வெட்டிப்போடுவேன்: நீதிமானுடைய கொம்புகளோ உயர்த்தப்படும்.