சங்கீதம் 29

¹பலவான்களின் புத்திரரே, கர்த்தருக்கு மகிமையையும் வல்லமையையும் செலுத்துங்கள்: கர்த்தருக்கே அதைச் செலுத்துங்கள். ²கர்த்தருடைய நாமத்திற்குரிய மகிமையை அவருக்குச் செலுத்துங்கள்: பரிசுத்த அலங்காரத்துடனே கர்த்தரைத் தொழுதுகொள்ளுங்கள். ³கர்த்தருடைய சத்தம் தண்ணீர்களின்மேல் தொனிக்கிறது: மகிமையுள்ள தேவன் முழங்குகிறார்: கர்த்தர் திரளான தண்ணீர்களின்மேல் இருக்கிறார். ⁴கர்த்தருடைய சத்தம் வல்லமையுள்ளது: கர்த்தருடைய சத்தம் மகத்துவமுள்ளது. ⁵கர்த்தருடைய சத்தம் கேதுரு மரங்களை முறிக்கிறது: கர்த்தர் லீபனோனின் கேதுருமரங்களை முறிக்கிறார். ⁶அவைகளைக் கன்றுக்குட்டிகளைப் போலவும், லீபனோனையும் சீரியோனையும் காண்டாமிருகக் குட்டிகளைப்போலவும் துள்ளப்பண்ணுகிறார். ⁷கர்த்தருடைய சத்தம் அக்கினி ஜூவாலைகளைப் பிளக்கும். ⁸கர்த்தருடைய சத்தம் வனாந்தரத்தை அதிரப்பண்ணும்: கர்த்தர் காதேஸ் வனாந்தரத்தை அதிரப்பண்ணுகிறார். ⁹கர்த்தருடைய சத்தம் பெண்மான்களை ஈனும்படி செய்து, காடுகளை வெளியாக்கும்: அவருடைய ஆலயத்திலுள்ள யாவரும் அவருடைய மகிமையைப் பிரஸ்தாபிக்கிறார்கள். ¹⁰கர்த்தர் ஜலப்பிரவாகத்தின்மேல் உட்கார்ந்திருக்கிறார்: கர்த்தர் என்றென்றைக்கும் ராஜாவாக வீற்றிருக்கிறார். ¹¹கர்த்தர் தமது ஜனத்திற்குப் பெலன்கொடுப்பார்: கர்த்தர் தமது ஜனத்திற்குச் சமாதானம் அருளி, அவர்களை ஆசீர்வதிப்பார்.