சங்கீதம் 13

¹கர்த்தாவே, எதுவரைக்கும் என்னை மறந்திருப்பீர், எதுவரைக்கும் உம்முடைய முகத்தை எனக்கு மறைப்பீர்? ²என் இருதயத்திலே சஞ்சலத்தை நித்தம் நித்தம் வைத்து, எதுவரைக்கும் என் ஆத்துமாவிலே ஆலோசனை பண்ணிக்கொண்டிருப்பேன்? எது வரைக்கும் என் சத்துரு என்மேல் தன்னை உயர்த்துவான்? ³என் தேவனாகிய கர்த்தாவே, நீர் நோக்கிப்பார்த்து, எனக்குச் செவிகொடுத்தருளும்: நான் மரணநித்திரை அடையாதபடிக்கு என் கண்களைத் தெளிவாக்கும். ⁴அவனை மேற்கொண்டேன் என்று என் பகைஞன் சொல்லாதபடிக்கும், நான் தள்ளாடுகிறதினால் என் சத்துருக்கள் களிகூராதபடிக்கும் இப்படிச் செய்தருளும். ⁵நான் உம்முடைய கிருபையின்மேல் நம்பிக்கையாயிருக்கிறேன்: உம்முடைய இரட்சிப்பினால் என் இருதயம் களிகூரும். ⁶கர்த்தர் எனக்கு நன்மைசெய்தபடியால் அவரைப் பாடுவேன்.