சங்கீதம் 115

¹எங்களுக்கு அல்ல, கர்த்தாவே, எங்களுக்கு அல்ல, உமது கிருபையினிமித்தமும், உமது சத்தியத்தினிமித்தமும், உம்முடைய நாமத்திற்கே மகிமை வரப்பண்ணும். ²அவர்களுடைய தேவன் இப்பொழுது எங்கே என்று புறஜாதிகள் சொல்வானேன்? ³நம்முடைய தேவன் பரலோகத்தில் இருக்கிறார்: தமக்குச் சித்தமானயாவையும் செய்கிறார். ⁴அவர்களுடைய விக்கிரகங்கள் வெள்ளியும் பொன்னும், மனுஷருடைய கைவேலையுமாயிருக்கிறது. ⁵அவைகளுக்கு வாயிருந்தும் பேசாது: அவைகளுக்குக் கண்களிருந்தும் காணாது. ⁶அவைகளுக்குக் காதுகளிருந்தும்கேளாது: அவைகளுக்கு மூக்கிருந்தும் முகராது. ⁷அவைகளுக்குக் கைகளிருந்தும்தொடாது: அவைகளுக்குக் கால்களிருந்தும் நடவாது: தங்கள் தொண்டையால் சத்தமிடவும் மாட்டாது. ⁸அவைகளைப் பண்ணுகிறவர்களும், அவைகளை நம்புகிறவர்கள் யாவரும், அவைகளைப்போலவே இருக்கிறார்கள். ⁹இஸ்ரவேலே, கர்த்தரை நம்பு: அவரே அவர்களுக்குத் துணையும் அவர்களுக்குக் கேடகமுமாயிருக்கிறார். ¹⁰ஆரோன் குடும்பத்தாரே, கர்த்தரை நம்புங்கள்: அவரே அவர்களுக்குத் துணையும் அவர்களுக்குக் கேடகமுமாயிருக்கிறார். ¹¹கர்த்தருக்குப் பயப்படுகிறவர்களே, கர்த்தரை நம்புங்கள்: அவரே அவர்களுக்குத் துணையும் அவர்களுக்குக் கேடகமுமாயிருக்கிறார். ¹²கர்த்தர் நம்மை நினைத்திருக்கிறார், அவர் ஆசீர்வதிப்பார்: இஸ்ரவேல் குடும்பத்தாரை ஆசீர்வதிப்பார், அவர் ஆரோன் குடும்பத்தாரை ஆசீர்வதிப்பார். ¹³கர்த்தருக்குப் பயப்படுகிற பெரியோரையும் சிறியோரையும் ஆசீர்வதிப்பார். ¹⁴கர்த்தர் உங்களையும் உங்கள் பிள்ளைகளையும் வர்த்திக்கப்பண்ணுவார். ¹⁵வானத்தையும் பூமியையும் படைத்த கர்த்தராலே நீங்கள் ஆசீர்வதிக்கப்பட்டவர்கள். ¹⁶வானங்கள் கர்த்தருடையவைகள்: பூமியையோ மனுபுத்திரருக்குக்கொடுத்தார். ¹⁷மரித்தவர்களும் மவுனத்தில் இறங்குகிற அனைவரும் கர்த்தரைத் துதியார்கள். ¹⁸நாமோ, இதுமுதல் என்றென்றைக்கும் கர்த்தரை ஸ்தோத்திரிப்போம் அல்லேலூயா.