சங்கீதம் 101

¹இரக்கத்தையும் நியாயத்தையும் குறித்துப் பாடுவேன்: கர்த்தாவே, உம்மைக் கீர்த்தனம்பண்ணுவேன். ²உத்தமமான வழியிலே விவேகமாய் நடப்பேன்: எப்பொழுது என்னிடத்தில் வருவீர்! என் வீட்டிலே உத்தம இருதயத்தோடு நடந்துகொள்ளுவேன். ³தீங்கான காரியத்தை என் கண்முன் வைக்கமாட்டேன்: வழி விலகுகிறவர்களின் செய்கையை வெறுக்கிறேன்: அது என்னைப் பற்றாது. ⁴மாறுபாடான இருதயம் என்னைவிட்டு அகலவேண்டும்: பொல்லாதவனை அறியமாட்டேன். ⁵பிறனை இரகசியமாய் அவதூறு பண்ணுகிறவனைச் சங்கரிப்பேன்: மேட்டிமைக் கண்ணனையும் பெருநெஞ்சுள்ளவனையும் பொறுக்கமாட்டேன். ⁶தேசத்தில் உண்மையானவர்கள் என்னோடே வாசம்பண்ணும்படி என்கண்கள் அவர்கள்மேல் நோக்கமாயிருக்கும்: உத்தமமான வழியில் நடக்கிறவன் என்னைச் சேவிப்பான். ⁷கபடுசெய்கிறவன் என் வீட்டுக்குள் இருப்பதில்லை: பொய்சொல்லுகிறவன் என் கண்முன் நிலைப்பதில்லை. ⁸அக்கிரமக்காரர் ஒருவரும் கர்த்தருடைய நகரத்தில் இராதபடி வேர்அறுப்புண்டுபோக, தேசத்திலுள்ள அக்கிரமக்காரர் யாவரையும் அதிகாலமே சங்கரிப்பேன்.