யோபு 16

¹அதற்கு யோபு பிரதியுத்திரமாக ²இப்படிப்பட்ட அநேக காரியங்களை நான் கேட்டிருக்கிறேன். நீங்கள் எல்லாரும் அலட்டுண்டாக்குகிற தேற்றரவாளர். ³காற்றைப்போன்ற வார்த்தைகளுக்கு முடிவிராதோ? இப்படி நீ உத்தரவு சொல்ல உனக்குத் துணிவு உண்டானதென்ன? ⁴உங்களைப்போல நானும் பேசக்கூடும். நான் இருக்கும் நிலமையில் நீங்கள் இருந்தால், நான் உங்களுக்கு விரோதமாக வார்த்தைகளைக்கோத்து, உங்களுக்கு எதிரே என் தலையைத் துலுக்கவுங்கூடும். ⁵ஆனாலும் நான் என் வாயினால் உங்களுக்குத் திடன் சொல்லுவேன், உன் உதடுகளின் அசைவு உங்கள் துக்கத்தை ஆற்றும். ⁶நான் பேசினாலும் என் துக்கம் ஆறாது. நான் பேசாமலிருந்தாலும் எனக்கு என்ன ஆறுதல். ⁷இப்போதும் அவர் என்னை இளைத்துப் போகச் செய்தார். என் கூட்டத்தையெல்லாம் பாழாக்கினீர். ⁸நீர் என்னைச் சுருங்கிப்போகப் பண்ணினது அதற்குச் சாட்சி. என் மெலிவு என்னில் அத்தாட்சியாக நின்று, என் முகத்துக்கு முன்பாக உத்தரவு சொல்லும். ⁹என்னைப் பகைக்கிறவனுடைய கோபம் என்னைப் பீறுகிறது. என் பேரில் பற்கடிக்கிறான். என் சத்துரு கொடிய கண்ணினால் என்னைப் பார்க்கிறான். ¹⁰எனக்கு விரோதமாகத் தங்கள் வாயைத் விரிவாயத் திறந்தார்கள். நிந்தையாக என்னைக் கன்னத்தில் அடித்தார்கள். எனக்கு விரோதமாக ஏகமாய் கூட்டங்கூடினார்கள். ¹¹தேவன் என்னை அநியாயக்காரர் வசமாக ஒப்புவித்து, துன்மார்க்கரின் கையில் என்னை அகப்படப்பண்ணிணார். ¹²நான் சுகமாய் வாழ்ந்திருந்தேன். அவர் என்னை நருக்கி, என் பிடரியைப் பிடித்து, என்னை நொருக்கி, என்னைத் தமக்கு இலக்காக நிறுத்தினார். ¹³அவருடைய வில்லாளர் என்னைச் சூழ்ந்துக்கொண்டார்கள். என் ஈரலைத் தப்பவிடாமல் பிளந்தார். என் பிச்சைத் தரையில் ஊற்றிவிட்டார். ¹⁴நொறுக்குதலின் மேல் நொறுக்குதலை என் மேல் வரப்பண்ணினார். பராக்கிரமசாலியைப் போல என் மேல் பாய்ந்தார். ¹⁵நான் இரட்டுச் சேலையைத்தைத்து, என் தோலின்மேல் போர்த்துக் கொண்டேன். என் மகிமையைப் புழுதியிலே போட்டு விட்டேன். ¹⁶அழுகிறதினால் என் முகம் அழுக்கடைந்தது. மரண இருள் என் கண்ணிமைகளின் மேல் உண்டாயிருக்கிறது. ¹⁷என் கைகளிலே கொடுமையில்லாதிருக்கையிலும், என் ஜெபம் சுத்தமாயிருக்கையிலும், அப்படியாயிற்று. ¹⁸பூமியே, என் இரத்தத்தை மூடிப்போடாதே. என் அலறுதலுக்கு மறைவிடம் உண்டாகாதிருப்பதாக. ¹⁹இப்போதும் இதோ, என் சாட்சி பரலோகத்திலிருக்கிறது. எனக்குச் சாட்சி பகருகிறவர் உன்னதங்களில் இருக்கிறார். ²⁰என் சிநேகிதர் என்னைப் பரியாசம் பண்ணுகிறார்கள். என் கண் தேவனை நோக்கிக் கண்ணீர் சொரிகிறது. ²¹ஓரு மனுபுத்திரன் தன் சிநேகிதனுக்காக வழக்காடுகிறது போல, தேவனோடே மனுஷருக்காக வழக்காடுகிறவர் ஒருவர் உண்டானால் நலமாயிருக்கும். ²²குறுகினவருஷங்களுக்கு முடிவு வருகிறது. நான் திரும்பி வராத வழியே போவேன்.