யோபு 26

¹யோபு மறுமொழியாக ²திடனில்லாதவனுக்கு நீ எப்படி ஒத்தாசைபண்ணினாய்? பெலனற்ற கையை நீ எப்படி ஆதரித்தாய்? ³நீ ஞானமில்லாதவனுக்கு எப்படி உசாவுதுணையாயிருந்து, மெய்பொருளைக் குறைவற அறிவித்தாய்? ⁴யாருக்கு அறிவைப் போதித்தாய்? உன்னிடத்திலிருந்து புறப்பட்ட ஆவி யாருடையது? ⁵ஜலத்தின் கீழ் மடிந்தவர்களுக்கும், அவர்களோடே தங்குகிறவர்களுக்கும் தத்தளிப்பு உண்டு. ⁶அவருக்கு முன்பாகப் பாதாளம் வெளியாய்த் திறந்திருக்கிறது. நரகம் மூடப்படாதிருக்கிறது. ⁷அவர் உத்தரமண்டலத்தை வெட்டவெளியிலே விரித்து, பூமியை அந்தரத்திலே தொங்கவைக்கிறார். ⁸அவர் தண்ணீர்களைத் தம்முடைய கார்மேகங்களில் கட்டிவைக்கிறார். அதின் பாரத்தினால் மேகம் கிழிகிறதில்லை. ⁹அவர் தமது சிங்காசனம் நிற்கும் ஆகாசத்தை ஸ்திரப்படுத்தி, அதின்மேல் தமது மேகத்தை விரிக்கிறார். ¹⁰அவர் தண்ணீர்கள்மேல் சக்கரவட்டம் தீர்த்தார். வெளிச்சமும் இருளும் முடியுமட்டும் அப்படியே இருக்கும். ¹¹அவருடைய கண்டிதத்தால் வானத்தின் தூண்கள் அதிர்ந்து தத்தளிக்கும். ¹²அவர் தமது வல்லமையினால் சமுத்திரக் கொந்தளிப்பை அமரப்பண்ணி, தமது ஞானத்தினால் அதின் மூர்க்கத்தை அடக்குகிறார். ¹³தமது ஆவியினால் வானத்தை அலங்கரித்தார். அவருடைய கரம் நெளிவான சர்ப்ப நட்சத்திரத்தை உருவாக்கிற்று. ¹⁴இதோ, இவைகள் அவருடைய கிரியையில் கடைகோடியானவைகள், எவ்வளவு கொஞ்சம். அவருடைய வல்லமையின் இடிமுழக்கத்தை அறிந்தவன் யார் என்றான்.