யோபு 15

¹அப்பொழுது தேமானியனாகிய எலிப்பாஸ் பிரதியுத்திரமாக ²ஞானவான் காற்றைப்போன்ற நியாயங்களைச் சொல்லி, தன் வயிற்றை கொண்டல் காற்றினால் நிரப்பி, ³பிரயோஜனமில்லாத வார்த்தைகளாலும், உபயோகமில்லாத வசனங்களாலும் தர்க்கிக்கலாமோ ? ⁴நீர் பயபக்தியை வீணென்று சொல்லி, தேவனுக்கு முன்பாக ஜெபத்தியானத்தைக் குறையப்பண்ணுகிறீர். ⁵உம்முடைய வாய் உம்முடைய அக்கிரமத்தைச் சொல்லிக் காட்டுகிறது. நீர் தந்திரமுள்ளவர்களின் நாவைத் தெரிந்துக் கொண்டீர். ⁶நான் அல்ல, உம்முடைய வாயே உம்மைக் குற்றவாளி என்று தீர்க்கிறது. உம்முடைய உதடுகளே உமக்கு விரோதமாகச் சாட்சியிடுகிறது. ⁷மனுஷரில் முந்திப் பிறந்தவர் நீர் தானே ? பர்வதங்களுக்கு முன்னே உருவாக்கப்பட்டிரோ ? ⁸நீர் தேவனுடைய இரகசிய ஆலோசனையைக் கேட்டு, ஞானத்தை உம்மிடமாய்ச் சேர்த்துக்கொண்டிரோ? ⁹நாங்கள் அறியாத எந்தக் காரியத்தை நீர் அறிந்திருக்கிறீர் ? எங்களுக்கு விளங்காத எந்தக் காரியமாவது விளங்கியிருக்கிறதோ ? ¹⁰உம்முடைய தகப்பனைப் பார்க்கிலும் பெரிய வயதுள்ள நரைத்தோரும் விருந்தாப்பியோரும் எங்களுக்குள் இருக்கிறார்களே. ¹¹தேவன் அருளிய ஆறுதல்களும், உம்மோடே சொல்லப்படுகிற மிருதுவான பேச்சும் உமக்கு அற்பகாரியமாயிருக்கிறதோ ? ¹²உம்முடைய இருதயம் உம்மை எங்கே கொண்டு போகிறது ? உம்முடைய கண்கள் நெருத்திப் பார்க்கிறது என்ன ? ¹³தேவனுக்கு விரோதமாக உம்முடைய ஆவியை எழுப்பி, உம்முடைய வாயிலிருந்து வசனங்களை புறப்படபண்ணுகிறீர். ¹⁴மனுஷனானவன் பரிசுத்தமாயிருக்கிறதற்க்கும், ஸ்திரிகளிடத்தில் பிறந்தவன் நீதிமானாயிருக்கிறதற்க்கும், அவன் எம்மாத்திரம் ? ¹⁵இதோ, தம்முடைய பரிசுத்தவான்களையும், அவர் நம்புகிறதில்லை. வானங்களும் அவர் பார்வைக்கு சுத்தமானவைகள் அல்ல. ¹⁶அநியாயத்தை தண்ணீரைப் போல குடிக்கிற மனுஷன் எத்தனை அதிகமாய் அருவருப்பும் அசுத்தமுமாய் இருக்கிறான் ? ¹⁷உமக்கு காரியத்தை தெரியப்பண்ணுவேன், என்னைக் கேளும். நான் கண்டதை உமக்கு விபரித்துச் சொல்லுவேன். ¹⁸ஞானிகள் தங்கள் பிதாக்கள் சொல்லக்கேட்டு மறைக்காமல் அறிவித்ததையே சொல்லுவேன். ¹⁹அவர்களுக்கு மாத்திரம் பூமி அளிக்கப்பட்டது. அந்நியர் அவர்கள் நடுவே கடந்துப்போக இடமில்லை. ²⁰துன்மார்க்கன் உயிரோடிருக்கிற நாளெல்லாம் துன்பத்தால் வாதிக்கப்படுக்கிறான். பலவந்தம்பண்ணுகிறவனுக்கு அவன் வருஷங்களின் தொகை மறைக்கப்பட்டிருக்கிறது. ²¹பயங்கரமான சத்தம் அவன் காதுகளில் தொனிக்கிறது. அவன் சமாதானமாயிருக்கையில் பாழாக்குகிறவன் அவன் மேல் வருவான். ²²இருளிலிருந்து திரும்பிவர அவனுக்கு நம்பிக்கையில்லாமல், பதிவிருக்கிறவர்களின் பட்டயத்திற்கு அவன் பயப்படுகிறான். ²³அப்பம் எங்கே கிடைக்கும் என்று அவன் அலைந்துதிரிகிறான். அந்தகாரநாள் தனக்குச் சமீபித்திருக்கிறதை அறிவான். ²⁴இக்கட்டும் நெருக்கமும் அவனைக் கலங்கப்பண்ணி, யுத்தசன்னத்தனான ராஜாவைப் போல அவனை மேற்கொள்ளும். ²⁵அவன் தேவனுக்கு விரோதமாகக் கைநீட்டி, சர்வவல்லவருக்கு விரோதமாகப் பராக்கிரமம் பாராட்டுகிறான். ²⁶கடினக்கழுத்தோடும், பருத்தகுமிழுள்ள தன் கேடகங்களோடும் அவருக்கு எதிரராக ஓடுகிறான். ²⁷அவன் முகத்தை கொழுப்பு மூடியிருக்கிறது. அடிவயிறு தொந்தி விட்டிருக்கிறது. ²⁸ஆனாலும் பாழான பட்டணங்களிலும் குடிபோன கற்குவியலான வீடுகளிலும் வாசம்பண்ணுவான். ²⁹அவன் ஐசுவரியவானாவதுமில்லை அவன் ஆஸ்தி நிலைப்பதுமில்லை. அப்படிபட்டவர்களின் செல்வம் பூமியில் நீடித்திருப்பதில்லை. ³⁰இருளுக்கு அவன் தப்புவதில்லை. அக்கினிச்சுவாலை அவனுடைய கிளையைக் காய்ந்துப் போகப் பண்ணும். அவனுடைய வாயின் சுவாசத்தால் அற்றுப்போவான. ³¹வழிதப்பினவன் மாயையை நம்பானாக. நம்பினால் மாயையே அவன் பலனாயிருக்கும். ³²அது அவன் நாள் வருமுன்னே அவனுக்குப் பூரணமாய் பலிக்கும். அவனுடைய கொப்புப் பச்சைகொள்வதில்லை. ³³பிஞ்சுகள் உதிர்ந்துபோகிற திராட்சைச் செடியைப்போலவும், பூக்கள் உதிர்ந்துப் போகிற ஒலிவமரத்தைப்போலவும் அவன் இருப்பான். ³⁴மாயக்காரரின் கூட்டம் வெறுமையாய் போம். பரிதானம் வாங்கினவர்களின் கூடாரங்களை அக்கினி பட்சிக்கும். ³⁵அப்படிப்பட்டவன் அநியாயத்தைக் கர்ப்பந்தரித்து அக்கிரமத்தைப் பெறுகிறான். அவர்கள் கர்ப்பம் மாயையைப் பிறப்பிக்கும் என்றான்.